Алматы өзендерінде судың деңгейі көтерілген

Жауын-шашын салдарынан Алматы өзендеріндегі судың деңгейі көтерілген, деп хабарлайды Orda.kz порталы.

Бұл туралы ақпаратты қалалық ТЖД мәлімдеді.

«Қазіргі уақытта «Қазселденқорғау» ММ Алматы қалалық пайдалану техникалық басқармасының 10 гидропосты жұмыс істейді, олар тәулік бойы өзендердегі гидрометеорологиялық жағдайды бақылауда. Өздеріңіз білетіндей, қала арқылы Ақсай, Қарғалы, Үлкен және Кіші Алматы өзендері ағады. Жауын-шашынға байланысты өзендерде су шығынының шамалы ғана су деңгейінің көтерілуі байқалады, сондай-ақ көлбеу ағынға байланысты судың лайлануының 2 балға дейін артуы байқалады. Бұдан басқа, «Қазселденқорғау» мамандары селден қорғау құрылыстарының техникалық жай-күйіне тексеру жүргізеді» делінген жазбада. 

Одан бөлек, 16 сәуір күні сағат 4:00-ден бастап Алматыда жаңбыр тоқтамады. "Қазгидромет" РМК мәліметінше, сағат 9:00 - де қалада 14 мм, "Медеуде" - 21 мм, Каменск үстіртінде-28 мм жауын-шашын түскен.