Алматы ондаған миллиард теңгесі бола тұра электробус сатып ала алмай отыр

29 маусым 2025 13:14 Ләззат Сұңқар

Фото: Игорь Улитин / Orda.kz

Orda.kz хабарлағандай, тапсырыс берушілердің ұсынылған көліктердің өлшемдеріне көңілдері толмаған.

Мемлекеттік сатып алу сайтындағы мәліметке сәйкес, 26 маусым күні Алматы қаласына электробус жеткізушілерін анықтау бойынша конкурс өткізілуі тиіс еді. Қалалық мобильділік басқармасы жалпы құны 17 355 000 000 теңгеге 100 электр автобус сатып алуды жоспарлаған.

Конкурсқа екі компания қатысуға өтінім берді: Hyundai Trans Auto және Daewoo Bus Kazakhstan. Біріншісі – «Астана Моторс» компаниясының еншілес ұйымы, ал екіншісінің құрылтайшыларының қатарында Оңтүстік Кореялық Zyle Motors Corporation және СемАЗ ЖШС бар. Айта кетейік, СемАЗ-дың құрылтайшыларының бірі – Мәжіліс депутаты Даулет Тұрлыханов.

Алайда, сауда-саттық нәтижесінде өткізілмей қалған.

«Алматы қаласы ЖҚӘБ үшін электробус сатып алуға қатысты №74195313-ОК1 лот бойынша мемлекеттік сатып алу өткізілмеді деп танылсын, себебі конкурсқа бірде-бір әлеуетті жеткізуші жіберілмеген» деп жазылан құжатта.

Бұған Hyundai Trans Auto компаниясының электробустары талап етілген өлшемдерге сәйкес келмегені себеп болған:

Көлік биіктігі: талап — 3 320 мм-ден аспауы тиіс, ұсынылған — 3 350 мм;
Көлік ұзындығы: талап — 12 110 мм-ден аспауы тиіс, ұсынылған — 12 170 мм.

Daewoo Bus Kazakhstan бойынша бұдан да көп сәйкессіздікті анықталған:

Көліктің бос массасы — талап: 14 000 келіден аспау, ұсынылғаны: 14 150 келі;
Электрқозғалтқыштың ең жоғары қуаты — талап: кемінде 350 кВт, ұсынылған: 250 кВт;
Жалпы жолаушы сыйымдылығы — талап: кемінде 90 адам, ұсынылған: 84 адам;
Орын саны — талап: кемінде 29, ұсынылған: 25 + 1;
Номиналды қуат — мүлде көрсетілмеген.

Бұл — Алматыда электробус сатып алуға жасалған екінші сәтсіз әрекет. Бұған дейінгі конкурс 19 мамырда өтпей қалған, сол жолы сатып алу қаражаты бұдан көп болып, 18 миллиард теңгеден асқан еді.

Ол кездегі қатысушылар: Daewoo Bus Kazakhstan және QazTehna ЖШС болған. QazTehna құрылтайшыларының қатарында Қытайдың Yutong автобус өндірушісі мен қазақстандық «Оңай Pay» және «Genco International» ЖШС-лары бар.

Алайда ол кезде де құжаттаманың талапқа сай келмеуі себеп болған.

Жаңалықтар

барлық жаңалықтар