Алматы облысының Қытаймен шекаралас ауылдары жер сілкінісін сезді

Қытайда болған жер сілкінісінің  әлсіз дүмпулерін  Алматы облысындағы екі ауыл тұрғындары сезді.

Volcano Discovery қызметінің мәліметінше, жер сілкінісі 10 маусым күні таңертең Қазақстан мен Қытай шекарасында, КХР Шыңжаң-Ұйғыр автономиялық ауданында болған. Оның ошағы жер бетінен 10 шақырым жерде орналасқан.

Қытаймен шекарада болған жер сілкінісінің жаңғырығы Қазақстанға да жетті.

«Жер сілкінісі салыстырмалы түрде әлсіз (магнитудасы 4,3) және негізінен Қытайда сезілген. Кішкентай жер асты дүмпулерін жер сілкінісі ошағынан жүз шақырымдай қашықтықта орналасқан Алматы облысындағы екі ауылдың тұрғындары сезді» делінген  Volcano Discovery мәліметтерінде.

Төтенше жағдайлар министрлігі бұл жер сілкінісі туралы ресми ақпарат бермеді.