Алматы облысыныда адам өліміне әкелген жол апаты орын алды

Алматы облысындағы тас жолда адам өлімімен аяқталған жол апаты орын алды, деп хабарлады Polisia.kz.

16 желтоқсанда «Алматы – Шелек – Қорғас» тас жолының 94-ші шақырымында жол талғамайтын көлік пен жолаушылар көлігінің қатысуымен жол апаты орын алды. Алматы облысының полиция қызметкерлері Toyota Land Cruiser Prado көлігінің 55 жастағы жүргізушісі өтіп бара жатқан Nissan Sunny көлігімен соқтығысқанын анықтады.

«Жол апаты салдарынан Шелек ауылының ауруханасына жеңіл көліктің 50 жастағы жолаушысы түрлі дене жарақаттарымен жеткізілді. Ол жансақтау бөлімінде қайтыс болды. Сонымен бірге жол талғамайтын көлік жүргізушісі түрлі дене жарақаттарымен ауруханаға түсті. Қазір ҚР Қылмыстық кодексінің 345-бабы бойынша тергеу амалдары жүріп жатыр» деді Еңбекшіқазақ аудандық полиция басқармасының басшысы Жақсылық Алтынбаев.

Айта кетсек, желіде жол апатына кінәлі жүргізуші видео жариялады. Онда ол бір секундқа алаңдап, көлікпен соқтығысқанын мойындады.

Күдікті қазір ауруханада жатыр, сауыққан бойда уақытша ұстау изоляторына қамауға алынады. Медициналық мекемеге Еңбекшіқазақ аудандық полиция бөлімінің полиция қызметкерлерінен күзет бекітілді.