Алматы облысының тұрғыны күйеуін өлтірді, деп хабарлады Orda.kz облыстық полиция департаментінің баспасөз қызметіне сілтеме жасап.
4 сәуірде Шамалған станциясындағы үйлердің бірінде 57 жастағы тұрғынының мәйіті табылды. Өлім жүрек тұсындағы пышақ жарақаты салдарынан болған.
Сонымен қатар полиция 54 жастағы әйелдің де жарақат алғанын анықтады.
– Ер адамның бұрын әйелін бірнеше рет ұрғаны анықталды. Тағы да мас келген күйеуі қолында ас үй пышағымен әйеліне шабуылдай бастаған. Шарасыз әйел пышақты суырып алып, қылмыскердің кеудесіне шаншыған, – деді полицияда.
Бұл факт ҚР Қылмыстық кодексінің 99-бабы, 1-бөлімі «Адам өлтіру» бойынша тіркелген. Күдікті ұсталып, уақытша ұстау изоляторына қамауға алынды.
