Алматы облысының соты карантинге жабылды

Алматы облысының соты 2021 жылдың 20 қаңтарынан 2 ақпанына дейін карантинге алынды. Бұл туралы Алматы сотының Facebook-тегі ресми парақшасында жазылды, деп хабарлайды ORDA.

Қашықтықтан жұмыс режиміне толық ауыстырумен соттың жұмысы толығымен тоқтатылады.

«Талдықорған қаласының бас мемлекеттік санитарлық дәрігерінің 2021 жылғы 20 қаңтардағы «Алматы облыстық соты ғимараты және аумағында карантиндік шаралар енгізу туралы» қаулысымен:

Карантиндік шаралар ғимаратта және облыстық соттың аумағында 2021 жылдың 20 қаңтарынан 2 ақпанына дейін енгізілді:

* соттың жұмысы қашықтан жұмыс режиміне толық ауыса отырып, толығымен тоқтатылады;

* сот ғимаратына СЭС қызметкерлерінен басқаларының келуіне қатаң тыйым салынады;

* осы мерзімге қарауға тағайындалған істер кейінірек мерзімге ауыстырылады, оның қатысушыларына болатын күні мен уақыты қосымша хабарланады ;

* Қылмыстық іс жүргізу кодексінің 107-бабына сәйкес келіп түскен материалдарды судья Талдықорған қалалық сотының ғимаратында қашықтықтан қарайды», - делінген сот хабарламасында.