Алматы облысының әкімі тағайындалды

Алматы облысының әкімі болып Марат Сұлтанғазиев тағайындалды.

Бұл туралы Ақорда хабарлайды.

«Марат Елеусізұлы Сұлтанғазиев Алматы облысының әкімі лауазымына тағайындалсын» делінген хабарламада.

Марат Сұлтанғазиев 1976 жылы Алматы облысында дүниеге келген. ЖОО-нын экономика және қаржы, заң мамандығы бойынша тәмамдап, іскерлік әкімшелендіру бойынша магистр дәрежесін алды. Ол Абай атындағы Алматы мемлекеттік университетінде, Қазақ мемлекеттік заң академиясында және Тұрар Рысқұлов атындағы қазақ экономикалық университетінде оқыды.

Мансабын Алматы қаласының салық жүйесінде жұмыс істеуден бастады. Одан кейін қаржы министрлігінде кафедра меңгерушісі қызметін атқарды. Кейіннен президент әкімшілігінің әлеуметтік-экономикалық мониторинг бөлімінің сектор меңгерушісі лауазымына ауысты. Ал 2018 жылы Алматы қаласындағы мемлекеттік кірістер бөлімін басқарды. Сондай-ақ, ҚР қаржы министрлігінің мемлекеттік кірістер комитетінің басшысы болып жұмыс істеді.