Алматы облысындағы жанармай құю бекетінде 40-қа жуық балон өртенді

Өрт салдарынан жанармай құю стансасының 2 қызметкері түрлі дәрежедегі күйік алып, жедел жәрдем қызметкерлеріне тапсырылды.

2023 жылғы 19 тамызда сағат 17:50-де Еңбекшіқазақ ауданы Саймасай ауылындағы газ толтыру стансасы аумағындағы қойма ішінде газ баллоны өртенді. Өрт сақтауға және сатуға арналған контейнер түріндегі қоймаға тарады. Жарылыс пен өрттің оқиға орнынан 30 метр қашықтықта орналасқан тұрғын үй аумағына таралу қаупі төнді.

Балондардың жаппай өртенуі (шамамен 40 бірлік) және жоғары температураның туындауы салдарынан өрт қойманың жанында орналасқан сыйымдылығы 3 текше метр ЗИЛ маркалы газ толтырғыш вагонға және газ толы балондарға шапты. Қоймада 260-300-дей түрлі сыйымдылықтағы газ балондары болған. Сондай-ақ қойма маңындағы аумақта газ толтырылған 4 текшелік жер асты цистернасы бар.

«Алғашқы қондырғылар келе салысымен  қоймадағы газ толтырғыштың, жерасты газ цистернасының, сондай-ақ басқа да балондардың жарылу қаупінің алдн алынды» деп хабарлады ТЖМ.

Бөлімшелер жоғары жөнелту разряды  шығу кестесі бойынша өрт орнына жіберілді. Өрт 18:28-де оқшауланып, 18:45-те толығымен жойылды.