Алматы облысындағы жаппай төбелес: полицейлер толық мәлімет берді

Әлеуметтік желіде жасөспірімдердің жаппай төбелесінің кадрлары тарап жатыр.

Полицейлер барлық мән-жайды анықтап үлгерді.

Алматы облыстық полиция департаментінің мәліметінше, Іле ауданындағы мектеп оқушылары арасында төбелес болған.

«29 қарашада 9 және 10 сынып оқушылары арасында келіспеушілік туындап, кейін ол жаппай төбелеске ұласты. Аталған факті ҚР ҚК 293-бабы бойынша аудандық ішкі істер органдарына тіркелді» делінген хабарламада.

Тәртіп сақшылары тергеу амалдарын жүргізіп жатыр, төбелеске қатысушылармен психолог жұмыс істеуде.

Сондай-ақ, мектеп оқушыларының ата-аналарына ҚР ӘҚБтК-нің 127 және 435-баптары бойынша 17 әкімшілік хаттама толтырылды.