Алматы облысындағы табиғи өртті тікұшақпен сөндіруге шамамен 200 тонна су кетті

Алматы облысында табиғи өртті сөндіру үшін тікұшақпен 200 тоннаға жуық су төгілді, деп хабарлайды Orda.kz порталы ТЖМ баспасөз қызметіне сілтей отырып.

«Біз Балқаш өңіріндегі қамыстар мен шөп өртін сөндіруді жалғастырудамыз. Елді мекендерге қауіп төніп тұрған жоқ. «Қазавиақұтқару» АҚ тікұшағы су төгетін құрылғысы өрт ошақтарына жалпы көлемі 195 тонна су төкті. Авиациялық техниканы қолдану және орман шаруашылығы қызметкерлері мен өрт сөндірушілердің жетуі қиын жерлерге жіберу арқылы қабылданған шаралар жақын маңдағы шаруа қожалықтарын сақтап қалды» делінген сейсенбідегі хабарламада. 

Айта кетейік, өртті сөндіру шымтезектен, қол жетпейтін оқшауланған батпақты жерлерден және үнемі өзгеріп тұратын күшті желдің болуымен қиындады.

«Өрт ошақтарын жою жұмыстары жалғасып жатыр. Өрт орнында Алматы облысы Төтенше жағдайлар департаментінің бастығы Асқар Тойшыбеков те жүр. Өртті сөндіруге Төтенше жағдайлар департаментінің, жергілікті атқарушы органдардың, жергілікті тұрғындардың күштері мен құралдары жұмылдырылып, ұшқышсыз ұшу аппараттары да қолданылып жатыр» деп толықтырды ТЖМ.