Алматы облысындағы дөңгелек шығаратын зауыт өртенді

Талғар ауданы Жаңалық ауылында дөңгелек шығаратын зауыт өртенді, деп хабарлайды Opda.kz Төтенше жағдайлар министрлігіне сілтеме жасап.

Нақтыланған мәліметтерге сәйкес, Алматы облысы Талғар ауданы Жаңалық ауылында тас жол бойындағы резеңке бұйымдарын өңдейтін ЖШС аумағынан тыс жерде сақталған дөңгелектерден өртенді.

Өрт сөндірушілердің жұмысын үйлестіруді Қазақстан Республикасының Төтенше жағдайлар министрі генерал-майор Шыңғыс Әрінов басқарды. Ол Талғар ауданы, Жаңалық ауылында жаңа өрт сөндіру бекетін ашу мақсатында Алматы облысында жұмыс сапарымен жүр.

Төтенше жағдайлар министрлігінің басшысы барлық қызметтердің жедел өзара іс-қимылын және өртті сөндіру бойынша шаралар қабылдауды қамтамасыз етті.

Өртті жоғары температура қиындатқан.  Өрт сөндіруге Алматы облысы мен Алматы қаласының Төтенше жағдайлар департаментінен 40-қа жуық жеке құрам мен 12 бірлік техника қатысты.

Төтенше жағдайлар министрлігінің мәліметінше, өрт шыққан 500 шаршы метр аумақтағы жалын толығымен сөндірілді.

Оқиға орнында тергеушілер мен өртке қарсы зертхана жұмыс істеп жатыр. Өрттің шығу себебі анықталуда.