Алматы облысындағы төбелес кісі қазасымен аяқталды

Төрт адам зардап шекті, біреуі қайтыс болды – Алматы облысындағы «ағайындардың» айтысы осылай аяқталды.

Зардап шеккендер көпсалалы ауруханаға 6 қарашада түнгі сағат бір шамасында келе бастаған. Әркімнің жарасы әртүрлі, пышақ жарақаты бар, оқ тигендер де бар. Полицияның мәліметінше, келген бес адамның бірі алған жарақатынан қайтыс болған.

«Аталған факті бойынша жедел-тергеу тобы құрылды. ҚР Қылмыстық кодексінің 99-бабы бойынша қылмыстық іс тергелуде. Оқиғаға қатысушылардың барлығын анықтау, сондай-ақ оқиғаның себептерін анықтау бойынша қажетті жедел-іздестіру шаралары жүргізілуде»  деп хабарлады ҚР ІІМ.

Ер адамдардың төбелесіне  не себеп болғаны әлі хабарланған жоқ.