Алматы облысындағы жол апатынан екі адам қайтыс болды

12 қыркүйек күні сағат 19: 15-те Алматы облысы «Талдықорған-Үштөбе» автожолының 41 шақырымында жол апаты орын алды.

Бұл туралы Orda.kz хабарлайды.

Жол апатында Toyota Carina және Audi 80 автокөліктері соқтығысқан. Алматы облысы ПД баспасөз қызметінің хабарлауынша, жол көлік апаты салдарынан екі көліктің де жүргізушілері алған жарақаттарынан көз жұмды.

Toyota Carina автокөлігінің төрт жолаушысы түрлі дене жарақатымен Үштөбе ауруханасына жеткізілді.

ҚР ҚК 345-бабы 4-бөлігі бойынша қылмыстық іс қозғалды, тергеу барысында оқиғаның барлық себептері мен мән-жайлары анықталатын болады.