Алматы облысында жол апат салдарынан бес адам көз жұмды

Алматы-Өскемен тас жолының 55 шақырымында адам өліміне әкелген жол көлік апаты болды. Оқиға салдарынан бес адам қаза тапты.

Бұл туралы Ішкі істер министірлігі хабарлайды.

«Nissan Primera жүргізушісі рөлді басқара алмай, жолдан шығып кетіп, ағашқа соғылды. Жүргізуші мен төрт жолаушы алған жарақаттарынан оқиға орнында қаза тапты. 12 жастағы кәмелетке толмаған ұл бала Қонаев қаласының ауруханасына жеткізілді» деп хабарлады ІІМ. 

Аталған факті бойынша қажетті сараптамалар тағайындалып, сотқа дейінгі тергеу амалдары басталды.