Алматы облысында жер сілкінді

Жерасты дүмпулері облыстағы ауылдардың бірінде сезілді.

Бұл туралы Төтенше жағдайлар министрлігі хабарлады.

Ведомствоның мәліметінше, жер сілкінісі 6 мамыр күні сағат 09:14-те болған. Бұл туралы Ұлттық сейсмологиялық бақылаулар және зерттеулер ғылыми орталығы хабарлады.

«Жер сілкінісінің ошағы Алматы қаласынан оңтүстік-шығысқа қарай 194 шақырым жерде Қазақстан мен Қырғызстан шекарасында орналасқан. Магнитудасы MPV 5,7» делінген хабарламада.

Төтенше жағдайлар министрлігінің хабарлауынша, күші екі балдық жер асты дүмпуін Алматы облысы Кеген ауылының тұрғындары сезген.

Естеріңізге сала кетейік, Қазақстан аумағында жойқын жер сілкінісі болжанбайды деп бірнеше рет айтылған болатын.