Алматы облысында жасөспірімді өлтірді деген күдікпен тоғыз адам ұсталды

Бір күн бұрын ауылдағы үйлердің бірінің ауласында  17 жасар жасөспірімді атып өлтіру оқиғасынан кейін полиция тоғыз жігітті ұстады.

Оқиға 5 тамыз күні Еңбекшіқазақ ауданы, Бәйдібек би ауылындағы үйлердің бірінің ауласында болған. Олар зорлық-зомбылықпен өлтіру белгілері бар 17 жастағы жасөспірімнің денесін тапты. Полиция оқиғаға қатысы барлардың барлығы қамауға алынғанын хабарлады.

«Жасөспірімнің өліміне тапаншадан атылған оқ себеп болғаны анықталды. Ал қару ұсталғандардың бірінің әкесіне тиесілі болған. Қазіргі уақытта 9 күдікті уақытша ұстау изоляторына қамалды. Аталған факті ҚР Қылмыстық кодексінің 99-бабы 2-бөлігі 9,14-тармақтары бойынша аудандық ішкі істер басқармасында тіркеліп, сотқа дейінгі тергеп-тексеру жұмыстары басталды», - деді Алматы облысы бойынша ПД бастығы Бауыржан Әленов.

Ол оқиға түнгі 12-лер шамасында болғанын айтты. Қатысушылардың бірі қаруды тартып алған соң, 20-ға жуық жігіт өзара төбелескен. Салдарынан 17 жастағы жасөспірім оқ жарақатын алып, қайтыс болды. Жергілікті тұрғындар барлығы ақша бопсалау кесірінен деп отыр. Бірақ полицейлер төбелес пен кісі өлтіру себептері туралы әзірге түсініктеме берген жоқ.

ПД сот-медициналық сараптама тағайындау арқылы барлық қажетті тергеу шаралары жүргізіліп жатқанын атап өтеді. Басқа қатысушыларға қатысты Қазақстан Республикасының Қылмыстық кодексiның 293  «Бұзақылық» бабы бойынша қылмыстық іс қозғалды.