Алматы облысында зауытта жарылыс болып, бір адам қаза тапты

Алматы облысы Байсерке ауылында LGN Metal зауытында жарылыс болып, салдарынан бір адам қаза тапты ал екі адам жараланды, барлығы да Өзбекстан азаматтары, деп хабарлайды Orda.kz.  

Оқиға 23 қаңтарда Байсерке ауылында болды. Редакцияға келіп түскен фотолар мен видеоларда зардап шеккендердің денелеріндегі жарақаттар анық көрінеді.

Редакция LGN Metal компаниясына хабарласып, жарылыс туралы ақпаратты растауды немесе жоққа шығаруды сұрады. Телефон тұтқасын өздерін компанияның инвесторы деп таныстырған адам көтерді. Ол адвокатпен байланысуды немесе полициядан түсініктеме сұрауды ұсынды. Бұған дейін құқық қорғау органдарына хабарласқан едік. Әңгімелесуші түсініктеме беруден бас тартты. Оның сөздерінен басқарма өкілдерінің ешқайсысы сөйлесуге келіспейтінін, себебі олар орыс тілін білмейтінін түсіндік.

 Ашық дереккөздерден ТОО «LGN Metal» алюминийді қайта балқытумен айналысатынын анықтадық. Кәсіпорын директоры – Қытай азаматы Ли Гуй Нян. Ал Egov.kz мәліметі бойынша «LGN Metal» ЖШС таратылған.

«Тарс еткен дыбыс шықты, бірақ өрт болған жоқ. ТЖ желісі бойынша ештеңе тіркелмегендіктен, шұғыл қызмет оқиға орнынан кетіп қалған», – деп хабарлады біздің дереккөз.

Алматы облысының полиция департаменті жарылысты растады.

«Еңбек қауіпсіздігі ережелерін бұзу салдарынан адам өліміне әкелген оқиға бойынша қылмыстық іс тіркелді. Қазіргі уақытта оқиғаның барлық мән-жайын жан-жақты және толық зерттеу үшін қажетті тергеу амалдары жүргізілуде»,  деп мәлімдеді департамент.

Қазіргі таңда, тергеу жүргізіліп жатыр. Редакция жағдайды бақылауда ұстайды.