Алматы облысындағы дауыл желі қолданушыларын бір сілкіп алды

Ағаштарды құлатқан дауылдың видеосы әлеуметтік желілерде тарап жатыр. Желі қолданушылары мұндай көріністен шошып отыр.

Бұл туралы Orda.kz хабарлады.

Белгісіз адамдар Алматы облысының Райымбек ауданында дауыл болды деген болжам жасады.

«Жер полюстері өзгеріп жатыр», «Сұмдық, құдай сақтасын», «Ақырзаман келе жатыр» деп жазды әлеуметтік желі қолданушылары өз пікірлерінде.

Райымбек ауданының әкімдігі биыл өңірде мұндай дауыл болмаған дейді.

– Бейнежазбаның соңындағы құлаған ағаштар - шынымен де біздің облыстан былтырғы шілде айында түсірілген кадрлар. Ал осындай дауыл видеосының басы монтаждалған болуы мүмкін. Естеріңізге сала кетейік, 2020 жылдың 3 шілдесінде сағат 17.00 шамасында Ойқарағай орманында дауыл болды, дауыл Шренк шыршасының 32,7 текше метрін сындырды. Кейінірек құлаған ағаштарды кесу жұмыстары жүргізілді, - делінген хабарламада.