Алматы облысында Ворошилов су қоймасы жарылды

Алматы облысының Байкент кентінде Ворошиловский су қоймасының бөгеті жарылды, деп хабарлайды Orda.kz. Төтенше жағдайлар министрлігіне сілтей отырып.

«Су Жармұхамет өзенінің негізгі арнасын бойлай шығып, одан кейін барлық  ашық тұрған тоғандарға құяды. Су транзиттік режимде ағызылуда. Халыққа хабарланды. Елді мекендерді су басу қаупін анықтау жұмыстары жүргізілуде. Төтенше жағдайлар департаментінің басшысы мен жеке құрамы, облыс әкімі оқиға орнында»  делінген хабарламада.

Еске сала кетейік, бұған дейін Ақтөбе облысының Әйтеке би ауданында Щербаков бөгетінің үстінде жарықтар пайда болып, 29 наурыз, жұма күні сағат 21:40-та бөгет жарылған болатын. Осыған байланысты жақын маңдағы ауыл  тұрғындары шұғыл эвакуацияланды.