Алматы облысында «Ветеринарлық станция» мекемесінің мыңнан астам қызметкері жалақысын алмаған

Алматы облысы бойынша «Ветеринарлық станция» ШЖҚ МКК осы жылдың қаңтар айында 1043 қызметкердің  жалпы сомасы 223 млн теңге болатын жалақысын төлемегені анықталды. 

Прокуратураның қадағалау актісі бойынша қызметкерлердің жалақысы толығымен өтелді, жоғарыда аталған ұйымның басшысына ҚР Әкімшілік құқық бұзушылық туралы кодексінің 87-бабы бойынша 150 АЕК (553 800 теңге) мөлшерінде айыппұл салынып, ол соманы төлеген.

«Сонымен қатар жалақыны уақтылы төлемеген жағдайда заңнамада әкімшілік құқық бұзушылық туралы ҚР Кодексінің 87-бабы, сондай-ақ ҚР Қылмыстық кодексінің 152-бабы 3-бөлігі бойынша жауапкершілік көзделгенін түсіндіреміз» делінген хабарламада.