Алматы облысында туристер мінген автобус аударылды

Апат салдарынан 25 адам зардап шекті.

Бұл туралы облыс әкімдігі хабарлады.

Жол апаты Алматы облысы Кеген ауданындағы тас жолға жақын жерде болды. 37 жолаушы мінген туристік автобус Аласа асуындағы бұрылыста аударылып қалды. Апат салдарынан 25 адам зардап шекті. 

«Жол-көлік оқиғасынан зардап шеккен бес адам Кеген аудандық ауруханасына, 16 адам Жалаңаш дәрігерлік амбулаториясына, төрт адам Шелек ауылдық ауруханасына жатқызылды. Төрт науқастың жағдайы орташа ауыр деп бағаланып отыр. Қалған науқастардың жағдайы қанағаттанарлық» деп хабарлады әкімдік.

Оқиғаның себебі әлі анықталуда.