Алматы облысында түрме қызметкері сотталушыны зорлады

Алматы облысы Іле аудандық соты бас бостандығынан айырылған әйелді зорлаған түрме қызметкерін 10 жылға соттады, деп хабарлайды КТК арнасы.

Сот материалдарына сүйенсек аталмыш оқиға 2021 жылдың 10 маусымында орын алған. 

- Алматы облысы Іле аудандық сотымен ЛА-155/4 мекемесі басшысының кезекші көмекшісі Б. есімді азаматқа үкім шығарылды. Айыпталушыға қызметтік жағдайын пайдаланып сотталушыны зорлады және қасақана психологиялық азап келтірді (Қылмыстық кодекстің 146-бабы 1-бөлігі) деген айып тағылған, - дейді сот өкілдері. 

Айыпталушы өз кінәсін мойындамады. Ер адамның 6 баласы бар. 

- Б.-ның кінәсі зардап шегушінің жауабы, дәлелдер мен тергеу, сонымен қатар сот-биологиялық және молекулярлық-генетикалық сараптама негізінде дәлелденді, - деп қосты бөлімде. 

Нәтижесінде мекеме қызметкері 10 жылға сотталды. Сондай-ақ барлық шенінен айрылып, белгілі қызметтерді 3 жыл атқара алмайды.