Алматы облысында судья кеңсесінде тінту жүргізілді

Алматы облысы судьяларының бірінің кабинетінде тінту жүргізілді, деп мәлімдеді жоғарғы сот аппараты басшысының орынбасары Елдос Жұмақсанов.

Оның айтуынша, тергеу шаралары 21 желтоқсанда мамандандырылған ауданаралық экономикалық соты судьясына байланысты өткен.

– Бүгін Сыбайлас жемқорлыққа қарсы агенттік қызметкерлері Жоғарғы Сот жанындағы Ішкі қауіпсіздік департаментімен бірлесе отырып, Алматы облысының экономикалық соты судьясының кабинетінде тінту жүргізді. Тергеу мүддесіне қатысты өзге де мәліметтер жарияланбайды, - деді Жұмақсанов.

«Время» газетінің хабарлауынша, бұл іс бойынша судья Алмакүл Түменбаева жауапкер атанды. Ол 1,5 млн теңге көлемінде пара алды деген күдікке ілінген.

– 19 желтоқсанда Жоғарғы Соттың Сыбайлас жемқорлыққа қарсы қызметі мен Ішкі қауіпсіздік департаменті 1,5 млн теңге көлемінде пара алған Алматы облысының мамандандырылған ауданаралық экономикалық сотының судьясын әшкереледі. Бұл ақша үшін ол апелляциялық сатыда оның шешімін күшінде қалдыруға көмектесуі керек еді, - деп жазды басылым.