Алматы облысында сот залынан қашқан қылмыскер қолға түсті

Полиция бала зорлады деген күдікке ілінген азаматты ұстады. Ол Алматы облысы Ақши ауылынан табылды, деп хабарлайды Orda.kz.

Айта кетейік, күдікті 1 сәуірде Қарасай ауданаралық мамандандырылған қылмыстық сот залынан қашып кеткен еді.  

Іздестіру жұмыстарын облыстың полициясы және Ұлттық ұлан күштері жүргізді. Көршілес облыстардың аумақтық бөлімшелері де іздеу жұмыстарына қол ұшын берді. 

Енді ер адамға негізгі қылмысынан бөлек, қамаудан қашқаны үшін қылмыстық кодекстің тиісті бабы бойынша қосымша айып тағылды.

Еске салайық, Orda.kz редакциясына ақпарат берген адам айыпталушының 1995 жылы Еңбекшіқазақ ауданында туғанын хабарлады.