Алматы облысында шенеунік 14 миллион пара алды деген күдікке ілінді

Алматы облысында кәсіпкерлік және индустриалды-инновациялық даму басқармасының басшысы мен мердігерлік ұйымның басшылығына қатысты тергеу басталды.

Бұл туралы Orda.kz хабарлайды.

– Басқарма басшысы ЖШС басшылығынан  «Бизнестің жол картасы-2025» мемлекеттік бағдарламасы шеңберінде бөлінген қаражат есебінен салынатын жұмыстарды мемлекеттік сатып алу конкурсында ЖШС-н жеңімпаз деп танығаны және нысанда орындалған жұмыстардың көлемін кедергісіз қабылдағаны үшін облыс аумағында нысан салу бойынша шарт сомасының 666 миллион теңгені құрайтын 15 пайызы есебінен қайтару ретінде 90 миллион теңгеден 33 500 доллар (14 304 500 теңге) сомасында пара алды, - делінген хабарламада.

ЖШС лауазымды тұлғасы, құрылтайшысы және директоры аса ірі мөлшерде пара алды деген күдікпен ұсталып, Алматы облысының уақытша ұстау изоляторларына қамалды.

 «Тергеу амалдары жалғасуда. Қылмыстық процестік кодекстің 201-бабына сәйкес тергеу мүдделеріне қатысты басқа ақпарат жария етуге жатпайды» деп хабарлады департамент.