Алматы облысында үш ағайынды төртінші бауырларын өлтірді

Алматы облысында отбасылық жанжалда ағаларын тәрбиелемек болғандар шектен шығып, оны балғамен ұрып өлтірген.

Облыстық полиция департаментінің баспасөз қызметі 1 маусымда Еңбекшіқазақ ауданындағы Лепка көлінде күш қолдану арқылы өлімнің анық белгілері бар белгісіз ер адамның мәйітін тапқанын хабарлады. Оның денесі көрпеге оралған, қолдары жіппен байланған.

Полицейлер жәбірленушінің Тұздыбастау ауылында анасы мен інісімен бірге тұратын 39 жастағы тұрғыны екенін анықтады.

Белгілі болғандай, ер адам ішімдік ішіп, жиі отбасылық жанжал шығарған, сол үшін бірнеше рет жауапқа тартылған.

Тәртіп сақшылары кісі өлтірді деген күдікпен жәбірленушінің үш ағайынын ұстады. Алдын ала анықталғандай отбасылық жанжалдардың жиі болуына байланысты оның туыстары 27 мамырда мәселені шешіп, нүктесін қою үшін жиналған.

«Сөйлесу кезінде олардың арасында жанжал туындап, арты төбелеске ұласады. Нәтижесінде үш ағайынды балға мен күректің сабын қолданып, төртіншісін өлгенше ұрып-соққан. Кейін мәйітті көрші ауданға апарып, жағалаудағы көлдің батпағына лақтырып жіберген» деп хабарлады Алматы облысы бойынша полиция департаментінің баспасөз қызметі.

Қылмыстық іс ҚР Қылмыстық кодексінің 99-бабы 2-бөлігі (адамдар тобының қатысуымен жасалған кісі өлтіру) бойынша тергелуде. Үш ағайынды да ұсталып, қамауға алынды.