Алматы облысында қару-жарақ сақталған қойма табылды

Алмалық ауылы маңындағы жол бойындағы бұталардың арасынан қару-жарақ пен оқ-дәрі салынған сөмке табылды.

Желтоқсанның 2-сі күні сағат 19:15 шамасында облыстық полиция департаменті Ұйымдасқан қылмысқа қарсы күрес басқармасы мен ҰҚК қызметкерлері жедел-іздестіру іс-шаралары барысында қару-жарақ қоймасын тапты.

«Талғар ауданы аумағындағы  Алмалы ауылына кіре берісте, жолдың бойында бұталардың арасынан үлкен жол сөмкесі табылған. Оның ішінде 7,62 мм аңшы мылтығы, екі кесілген шолақ мылтық, пневматикалық тапанша, оқ өткізбейтін кеудеше және 115 дана әртүрлі патрондар болған»  деді полиция.

Тергеу амалдары жүргізілуде, сараптамалар тағайындалды.