Алматы облысында прокурорлар екі басқарма басшысын жазалады

Алматы облысының әкімдігі 15 миллиард теңгеге күрделі жол жөндеу жұмыстары бойынша конкурста жеңімпаздың болғанына қарамастан, сатып алудан заңсыз бас тартып, қайтадан жаңа жеңімпазды анықтау үшін конкурс жариялап, кәсіпкердің құқығын бұзған.

Бұл туралы облыстық прокуратура хабарлады. 

"Қадағалау актісі байқаудың күшін жойып, әкімдікке конкурс жеңімпазымен шарт жасасу ұсынылды. Дәл осындай шешімді сот кәсіпкердің талап арызы бойынша шығарған. Алайда, әкімдік сот шешімі мен прокуратураның қадағалау шараларына қарсы, конкурсты қайта жариялады" деп облыстық прокуратура хабарлады.

Кәсіпкерлік қызметке заңсыз араласқаны және прокурордың шешімі бойынша шара қолданбағаны үшін облыс әкімдігінің екі басқарма басшысы ҚР ӘҚБтК-нің 173 және 664-баптары бойынша әкімшілік жауапкершілікке тартылды.