Алматы облысында пайдаланылмай жатқан 3,25 млн га жер анықталды

2019-2022 жылдар аралығында 3,25 миллион гектар анықталды. Биыл Алматы облысының прокурорлары 310,5 мың гектар жайылымдық жердің мақсатқа сай пайдаланылмай жатқанын анықтады.

Алматы облысында жер заңнамасы саласындағы өзекті мәселенің бірі  – мақсат  бойынша пайдаланылмайтын ауыл шаруашылығы жерлерінің болуы, деп хабарлайды облыстық прокуратураның баспасөз қызметі.

 «2019-2021 жылдарға және биылғы жылдың өткен кезеңіне қадағалау актілерін қарау қорытындысы бойынша небәрі 360,7 мың гектар жайылым қайтарылды, 1,31 миллион гектар жайылым ауыл шаруашылығы айналымына берілді (яғни, меншік иелері оларды пайдалана бастады). Осылайша, атқарылған жұмыст нәтижесінде пайдаланылмай жатқан жайылымдық жер көлемі 3,2 миллион гектардан 1,75 миллион гектарға қысқартылды, бұл бағыттағы жұмыстар жалғасуда»  делінген хабарламада.

Прокурорлар 48 қадағалау актісін енгізіп, 49 лауазымды тұлғаны тәртіптік жауапкершілікке тартты, заңсыз берілген 15,9 мың гектар жайылымдық жер мемлекет меншігіне қайтарылды.

Олар 1,18 миллион гектар жерді мал жаюға, тағы 1,7 миллион гектар жайылымдық жерді  бекітуді жоспарлап отыр.