Алматы облысында қоқыс маңынан бес жасар баланың денесі табылды

Сарқанд ауданында бес жасар баланың мәйіті табылды.

Полицейлер ҚазАқпарат тілшісіне баланың мәйіті Сарқандтағы кірпіш зауытының жанындағы қоқыс тастайтын жерден табылғанын айтқан. Алдын ала болжам бойынша, бала 4-5 жаста болған. Бойы - 90-100 сантиметр. Мәйіттің басы одан бес метрдей жерден табылған. Қыз бала болса керек. Қазір мәйіт сараптамаға жіберілді.

Бұл ақпаратты Сарқанд облысы әкімдігінің баспасөз қызметі растады.

«Баланың денесі қоқыс жәшігінен табылды. Аудандық полицияға ешкім арызбен хабарласқан жоқ. Бұл іспен полиция айналысуда» делінген ресми хабарламада.

Алматы облыстық полиция департаменті әзірге ешқандай түсініктеме берген жоқ.