Алматы облысында бір отбасы мүшелері түгелдей мемлекеттік қызметте отыр

Алматы облысында мемлекеттік қызметкерлер отбасы анықталды.

Бұл туралы Orda.kz хабарлайды.

Сабырбаевтер отбасының үш мүшесі Алматы облысында мемлекеттік қызметте отыр.

Отбасы басшысы Сабырбаев Амандос — Ақсу ауданы әкімінің орынбасары және атқарушы мемлекеттік қызметшілердің әдеп жөніндегі уәкілі.

Отбасы жайлы ақпаратты табу қиындық тудырмайды. Әркімнің әкімдік сайтында өзіндік «парақшасы» бар.

Жұбайы — Сабырбаева Сәуле. Алматы облысы Ақсу ауданының кәсіпкерлік бөлімінің бастығы.

Шенеуніктердің ұлы — Сабырбаев Санжар, Алматы облысының кәсіпкерлік және индустриалды - инновациялық даму басқармасы басшысының орынбасары.

«Сыбайлас жемқорлыққа қарсы іс-қимыл туралы» Заңда және басқа да бірқатар заңдарда мемлекеттік функцияларды орындауға уәкілеттік берілген адамдар мен оларға теңестірілген адамдар жақын туыстар, ерлі-зайыптылар немесе жекжаттар атқаратын лауазымдарға тікелей бағынысты лауазымдарды атқара алмайтыны ғана емес, сонымен бірге жақын туыстары, жұбайлары немесе жекжаттары тікелей бағыныста бола алмайтындығы көрсетілген.