Алматы облысында мектептегі достардың жанжалы адам өлімімен аяқталды

Алматы облысының 30 жастағы тұрғыны мектептегі досын өлтірді деген күдікке ілінді.

Алматы облыстық полиция департаментінің баспасөз қызметі 18 желтоқсан күні сағат 9:00 шамасында аудандық орталық ауруханадан азаматтың Панфилов аудандық ауруханасының кезекші пунктіне жатқызылғаны туралы хабарлама түскенін айтты. Жаркент қаласының 32 жастағы тұрғыны пышақ жарақатын алған. Ол ауруханада қайтыс болды.

Күдікті Байсерке ауылының 30 жастағы тұрғыны болып шықты. Ол бейнекамералардың көмегімен ұсталды.

«Күдікті кісі өлтіргенін мойындап, бір күн бұрын мектептегі бұрынғы танысы мас күйде әйелін ұрып, төбелеске шақырғанын түсіндірді. Келесі күні күдікті жәбірленушінің үйіне барған. Олардың арасында төбелес шығып, ол жәбірленушіден пышақты алып, оның кеуде тұсына, иығына және аяғына бірнеше рет пышақ сұққан. Есін жоғалтқан жолдасын бірден жүксалғышқа салып, ауруханаға жеткізген» деді полиция.

Осылайша, күдікті уақытша ұстау изоляторына қамалды. Жүксалғышынан қан іздері табылған көлік уақытша тұраққа қойылған.