Алматы облысында мектеп оқушысы сабақ кезінде есінен танып қайтыс болды

Алматы облысында оқушы қыз сабақ үстінде ауырып, көп ұзамай жедел жәрдем көлігінде көз жұмды.

Бұл туралы облыстық білім басқармасынан хабарлады.

Бала 23 сәуірде Қарасай ауданы, Қошмамбет ауылында қайтыс болды. Қошмамбетов атындағы мектепте сабақ кезінде 4-сынып оқушысы есінен танып қалған. Ведомство қызға медициналық көмек көрсетілгенін айтты. Бірақ әрекет нәтижесіз болды, ол жедел жәрдем көлігінде қайтыс болды.

Тәртіп сақшылары қайғылы оқиғаның мән-жайын анықтауға кірісті. Облыстық полиция департаментінің баспасөз қызметі кейінірек түсініктеме беруге уәде берді.