Мектеп директоры өзіне қол жұмсағаннан кейін Үлкен Ақсу ауылының тұрғындары оның орынбасарынан орнын босатуды талап етуде. Себебі ол Азизжан Дараевтың өліміне айыпталуда.
Бұл туралы Orda.kz Время басылымына сілтеме жасап хабарлады.
46 жастағы мектеп директорының денесі 10 қыркүйек кешке табылды. Ер адам өзінің қол астындағы қызметкерінің кесірінен осындай қадамға баруға шешім қабылдаған болса керек.
Жергілікті тұрғындардың айтуынша, Дараев екі жыл бұрын Марат Мұхаметовті экономикалық бөлімге орынбасар етіп алған. Жаңадан келген орынбасар мектеп қызметкерлеріне жұмыс істетпеген.
Дараев көптеген шағымдардан кейін орынбасарына сөгіс жариялаған. Одан ештеңе өзгермеген. Кейін мектеп ұжымы полицияға арыз жазған. Бірақ полицейлер орынбасардың әрекетінен қылмыс құрамын таппады.
Кейін әлеуметтік желілерде мұғалімдер мен қызметкерлер мектеп директоры орынбасарының қудалауына шағымданды. Әдепсіз мінез-құлқы тексерілгеннен кейін Марат Мұхаметов жұмыстан шығарылды.
Алайда директордың бұйрығын заңсыз деп тапқан сот арқылы Мұхаметов қызметіне қайта оралуға қол жеткізді. Еңбек дауларын шешу кезінде келісімшартты бұзу тек тәрбиелік функцияларды тікелей орындайтын адамдарға қатысты рұқсат етіледі.
Мұхаметов оралғаннан кейін мектептегі жағдай қыза түсті, адамдар екі топқа бөлінді. Аудан әкімі Шухрат Нурахунов екеуіне де өз еркімен арыз жазуды ұсынды. Марат Мұхаметов арыз жазбай қойған. Дараевтың арызы осыдан кейін қанағаттандырылмады.
5 күн өткен соң директор өзіне қол жұмсаған.
Полиция бұл факті бойынша ҚР Қылмыстық кодексінің 105-бабы бойынша тергеуді бастады.
Марқұмның артында 3 баласы қалған. Оның 2-еуі кәмелет жасқа толмаған.
