Алматы облысында Лексус қағып кеткен мектеп оқушыларының бірі қайтыс болды

25 қазан күні жолды кесіп өтіп бара жатқан 5 баланы Лексус көлігі қатты жылдамдықпен қағып кеткен. Оқушылардың  бірі қайтыс болды.

«Өкінішке қарай, дәрігерлер барлық қажетті көмек көрсеткенімен, бүгін алған жарақатының салдарынан 10 жасар бала қайтыс болды»  делінген Алматы облысының денсаулық сақтау басқармасының хабарламасында.

Жол апатынан зардап шеккен қалған үш оқушы травматология бөлімінде емделіп жатыр. Олардың жағдайы орташа ауыр деп бағалануда.

Жүргізуші ұсталып, уақытша ұстау изоляторына қамалды. Қазіргі уақытта іс бойынша қажетті тергеу әрекеттері жүргізіліп, сараптамалар тағайындалды. Айта кетейік, жаяу жүргіншілер жолды рұқсат етілмеген  жерден кесіп өткен.