Алматы облысында көліктен өртенген мәйіт табылды

Алматы облысында көліктен денесі күйген адам мәйіті табылды. Полиция күдіктіні ұстады, деп хабарлайды Orda.kz. 

Алматы облысының полицейлері күдіктіні ізін суытпай ұстады. 43 жастағы күдікті уақытша ұстау изоляторына қамалды. Кісі өлтіру фактісі бойынша полиция сотқа дейінгі тергеу бастады.

Полиция қазіргі уақытта қылмыстың мән-жайларын объективті зерттеуге бағытталған барлық қажетті тергеу әрекеттері жүргізіліп жатқанын мәлімдеді. 

Бейресми ақпарат бойынша, екі ер адам 31 наурыз күні кәсіптеріне байланысты жанжалдасып қалған. Кейін күдікті марқұмды балғамен ұрып өлтіріп, денесін өртеп жіберген.

Еске салайық, бұған дейін Таразда балға ұстаған ақыл-есі дұрыс емес, қылмыскер жүргені туралы ақпарат тарады.