Алматы облысында қоғам белсендісі алаяқтық жасады деген күдікпен ұсталды

Алматы облысында қоғамдық бірлестіктердің бірінің жетекшісі алаяқтық жасады деген күдікпен ұсталды, деп хабарлайды Orda.kz.

Ішкі істер министрлігінің мәліметінше, тергеу барысында күдіктінің шетелде сотталған Қазақстан азаматтарын босатуға көмектесемін деген уәдемен ақша жинап келгені анықталған.

«Сот күдіктіге қатысты қамауға алу түріндегі бұлтартпау шарасын санкциялады», деп хабарлады ІІМ баспасөз қызметі.

Қазіргі уақытта ҚР Қылмыстық кодексінің 190-бабы (Алаяқтық) бойынша сотқа дейінгі тергеу амалдары жүргізіліп жатыр.