Алматы облысында кәсіпкер жетім балалардан пайда көрді

Алматы облысының Балаларды қолдау орталығында өнімдерді жоғары бағамен сатып алу фактілері анықталды.

Қаржы мониторингі агенттігі анықтағандай, жеткізуші балалар үйіне тауарларды өте жоғары бағамен сатқан.

«Жеткізуші нанды 140 теңгеге сатып алып, орталыққа 354 теңгеге (153%-ға қымбат) сатты. Сондай-ақ, қарақұмық жармасы 145 пайызға, күнбағыс майы 63 пайызға, қант 38 пайызға қымбат болған. Заңға сәйкес үстеме 15%-дан аспауы керек» деп атап өтті ҚМА.

Нәтижесінде өнім берушіге айыппұл салынып, орталықпен келісім-шарт қайта қаралды.