Алматы облысында есірткі курьері 16 жылға сотталды

Алматы облысындағы қаржы мониторингі есірткі саудасы бойынша сотқа дейінгі тергеп-тексеруді аяқтады, деп хабарлайды Orda.kz.

Алматы облысы Іле ауданының «Қазпошта» АҚ бөлімшесіне жалпы салмағы 800 грамға жуық каннабис сығындысы (гашиш майы) есірткі заты бар «cәлемдеме» келіп түскен. Зерттеу нәтижесінде сотталушының Telegram месенджері арқылы Тайландтан есірткіге тапсырыс бергені анықталды. Келген тапсырыс косметика кейіпінде жасырылған. 

Сот үкімі бойынша айыпталушы 16 жылға бас бостандығынан айырылды. Ал тәркіленген есірткі толығымен жойылды. 

Айта кетейік, мемлекет басшысы есірткі тасушыларға жаза жеңілдететіні туралы заңға қол қойған болатын.