Алматы облысында ер адам Өзбекстан азаматын күрекпен ұрып өлтірді

17 қырқүйек күні Алматы облысындағы Ұзынағаш ауылында ер адам өзге ел азаматын күрекпен ұрып, өлімге дейін апарды

Бұл туралы Orda.kz Polisia.kz сайтына сілтеме жасап хабарлайды.

17 қыркүйек күні сағат 05: 00 шамасында Жамбыл АПБ кезекші бөліміне Ұзынағаш ауылының ауруханасынан ер адамның мас күйінде бас сүйек-ми жарақатымен ауруханаға жатқызылғаны туралы хабарлама келіп түсті.

Кейін оның Қарғалы ауылында уақытша тұратын 42 жастағы Өзбекстан азаматы екені анықталды. Ер адам алған жарақаттарынан қаза тапты. Жарақат алу жағдайларын қарап, жедел уәкілдер алдымен жәбірленушінің жеткізілген жерін анықтады. Содан Қарғалы ауылының 34 жастағы тұрғыны ұсталып, дәлел келтірілгеннен кейін қылмысты мойындады. Күдіктінің айтуынша, ол жәбірленушімен таныс емес. Ортақ танысымен кездескен.

«Екеуі бір литр ішімдік ішкеннен кейін, сөзге келіп қалады. Әрі қарай жанжал ұрысқа айналды. Жанжал барысында ол қарсыласының басына күрекпен үш рет ұрып, қылмыс орнынан қашып кеткен. Аталған факт ҚР ҚК 106-бабы 3-бөлігі бойынша СДТБТ-де тіркелді. Сотқа дейінгі тергеу ісі қозғалды» делінген хабарламада.