Алматы облысында браконьерлерден 100 келі киік мүйізі тәркіленді

Алматы облысының полицейлері үш браконьерді ұстады. 1989, 1990 және 1997 жылы туған ер адамдар қамауға алынды, деп хабарлады облыстық полиция департаментінің баспасөз қызметі.

— Алматы облысы бойынша Ұйымдасқан қылмысқа қарсы күрес басқармасының қызметкерлері ҰҚК қызметкерлерімен бірлесіп, үш ер адамды ұстады. Жедел жұмыс барысында 953 дана  100 келіден астам ақбөкен мүйізі тәркіленді, - деді Алматы облысы бойынша Ұйымдасқан қылмысқа қарсы күрес департаментінің басшысы Әбілғазы Төлепбергенов.

Сотқа дейінгі тергеу басталды. «Сирек кездесетін және құрып кету қаупі төнген түрлермен, сондай-ақ пайдалануға тыйым салынған өсімдіктер немесе жануарлар түрлерімен, олардың бөліктерімен немесе дериваттарымен заңсыз айналысу» бабы бойынша қылмыстық іс қозғалды.