Алматы облысында ауыл әкімі мінген көлік аударылып, бір адам көз жұмды

Алматы облысы Райымбек ауданында ауыл әкімі мінген көлік аударылып, бір адам көз жұмды. Ауыр жарақат алған екі жолаушы жансақтау бөлімінде жатыр, деп хабарлайды Orda.kz. 

Қайғылы оқиға 13 қыркүйек күні Нарынқол—Сарыжаз автожолында болды. Bestune T55 маркалы көлігін басқарып келе жатқан Талғар ауданы Тұздыбастау ауылының тұрғыны көлік тізгініне ие бола алмай, көлігімен қоса аударылып кеткен. Апат салдарынан 1987 жылы туған Шыңғыс Мұхтарбайұлы Өкенов қаза тапты. Ал жол апатынан зардап шеккендер арасында Талғар ауданының ауылдық округінің әкімі де бар. Олар Нарынқол аудандық орталық ауруханасында жатыр. 

Бұл дерек бойынша тергеу жұмыстары басталды.

Айта кетейік, Түркістанда әйелін балғамен ұрып өлтірген ер адам асылып өлді.