Алматы облысында алаяқтың арбауына түскен әйел көмектеспек болған полицейлерден қашты

Алматы облысында әйел алаяқтардың арбауына түсіп, полицейлерден қаша жөнелді, деп хабарлайды Orda.kz.

Алматы облысы ПД полицейлерден қашқан әйелдің бейнежазбасын жариялады. Әйел әлдекіммен телефон арқылы сөйлесіп, өзін полиция «ұстап алғанын» айтады.

«Телефонды беріңіз, сіз кімге сеніп тұрсыз? Бұлар алаяқтар», – дейді полицей.  

Әйел құқық қорғау органдарынан қашып, олар оны қуып жетуге әрекет жасайды.

Алматы облысы ПД мәліметінше, әйел бұған дейін алаяқтарға SMS-кодты айтып қойған. Нәтижесінде алаяқтар оны құрығына түсіріп, әбден сеніміне кіріп үлгерген.

Алаяқтар әйелді түрме жазасымен қорқытып қойғаны да белгілі болды.

Осы уақытта алаяқтар әйелдің атына ірі көлемде несие рәсімдемек болған. Қызметкерлердің сабырлығы мен жедел әрекетінің арқасында тосын жағдайдың алдын алуға мүмкіндік туды.

Оқи отырыңыз: 

• Атырауда зираттан қару мен оқ-дәрілер табылды
• Құлжа күре жолында бірден бес көлік соқтығысты
• Индонезияда тікұшақ апаты: Борттағы барлық адам опат болды