Алматы облысында әкесі мен үш ұлы көмірқышқыл газынан уланып қайтыс болды

Алматы облысы Іле ауданында көмірқышқыл газына уланған әке мен үш ұлы қайтыс болды, деп хабарлайды облыстық төтенше жағдайлар департаментінің баспасөз қызметі.

«6 қазан күні сағат 17:50-де 1970 жылы туған ер адам біреуі 2009 жылы және екеуі 2014 жылы туған үш ұлымен пропан газ баллонынан уланғаны белгілі болды. Марқұмдардың өздері қолдан жасаған газ жылыту пешіне 25 литрлік баллон отсыз қосылды» делінген хабарламада.

Отбасы Ащыбұлақ ауылдық округіндегі Жомарт саяжайында тұрған. Олар Тараздан екі ай бұрын көшіп келген, пәтер иелері. Анасы Іле ауданындағы мектептердің бірінде аспаз болып жұмыс істейді. Ол жұмыстан үйге келгенде күйеуі мен балаларының жансыз денесін тапқан.

Алдын ала себеп - газ-пропан қоспасымен улану.

Оқиға орнында жедел топ, Төтенше жағдайлар департаментінің ғылыми-зерттеу сынақ өрт зертханасы, сондай-ақ жедел-тергеу тобы мен Іле аудандық ішкі істер бөлімі мен жедел жәрдем жұмыс істеді.