Алматы облысында қаңғыбас ит 9 жасар баланы талап тастады

Жамбыл ауданы Ақсеңгір ауылдық округінде қаңғыбас ит 9 жасар баланы талап тастады.

Бала дүкенге нан алуға бара жатқан кезде оны қаңғыбас ит талап кеткен.

«Оқиға 22 сәуір күні сағат 19:00-де болған. Белгісіз қаңғыбас ит 9 жасар Шәріпжан Халифаны талап кеткен. Жедел жәрдем шақырылып, баланы кезекші бөлімде таңып, Алматыдағы №1 балалар ауруханасына жеткізілді. Онымен бірге анасы Мақпал Алманова да ауруханада жатыр. Дәрігерлер баланың жағдайы тұрақты деп мәлімдеді» деді Жамбыл облысы әкімінің баспасөз хатшысы Бақтияр Айталы.

Балаларға шұғыл медициналық көмек көрсету орталығы бас дәрігерінің орынбасары Алуа Жексенова қазір баланың жағдайы бірқалыпты екенін айтты. Ол хирургия бөлімінде хаттама бойынша ем қабылдайды. Түскен кезде балаға құтырмаға қарсы вакцина егілген. Қазір оның өмірі мен денсаулығына ештеңе қауіп төндірмейді, деп сендірді дәрігер.

Оның айтуынша, балаға алғашқы медициналық көмек Ұзынағаш қаласындағы ауруханада көрсетілген.

Ақсеңгір ауылдық округінің тұрғындары балаға бірнеше ит шабуылдағанын айтып, биліктен Жамбыл облысы бойынша қаңғыбас жануарларды ұстауды ұйымдастыруды талап етіп отыр. Баланың анасының айтуынша, ол әкімдікке арызданған, бірақ оған олардың болған оқиғаға қатысы жоқ екенін айтқан.

Баланы талаған ит келесі күні ұсталып, Ұзынағаш ауылындағы ветеринарлық пунктке жеткізілген.

Толық ақпарат сілтемеде! Жүрегі нашар адамдарға көруге кеңес берілмейді!