Алматы облысында 62 жастағы ер адам жасөспірім қызды зорлады

Алматы облысында 62 жастағы ер адам жасөспірім қызды зорлады. Ол 14 жастағы мектеп оқушысына шабуыл жасаған.

Алматы телеарнасының хабарлауынша, 15 ақпанда полицияға арыз түскен.

Күдікті Қарасай ауданында жедел-іздестіру шаралары кезінде ұсталған. Ұсталған сәтте күдікті мас күйінде рөлде болған.

Ол көлікті мас күйінде басқарғаны үшін 15 тәулікке әкімшілік қамауға алынып, 7 жылға көлік жүргізу құқығынан айрылды.

Сондай-ақ, оның үстінен ҚР Қылмыстық кодексінің 124-бабы бойынша іс қозғалып, тергеу басталды.

«Тергеу бақылауда және мән-жайлардың жан-жақты объективтілігіне бағытталған шаралар қабылдануда» деді облыстық ПД ресми өкілі Әбілтай Әбенов.