Алматы облысында 3,5 мың оқушы мен мұғалім карантинге жіберілді

Алматы облысы әкімінің орынбасары Батыржан Байжұманов мектептерде коронавирус инфекциясының таралу жағдайы туралы айтты.

Бұл туралы Orda.kz хабарлайды.

Бүгінде облыста мектеп оқушыларының 90%-ы дәстүрлі түрде, 64 мың пайызы аралас форматта, 517 оқушы денсаулығына байланысты қашықтан білім алуда.

– 1 қыркүйектен бастап облыста балабақша тәрбиешілері арасында 18, оқушылар арасында 209 коронавирус инфекциясы тіркелді. Қалалар мен аудандардың санитарлық дәрігерлері облыстағы 120 мектептің 244 сыныбына карантин енгізу туралы 176 бұйрық шығарды. 3,5 мың оқушы мен мұғалім карантинге жіберілді, - деді Батыржан Байжұманов.

Оның айтуынша, мектеп оқушыларының бірі коронавируспен ауырса, онда бүкіл сынып екі апталық карантинге ауыстырылады.

Естеріңізге сала кетейік, Алматы облысы коронавирустың таралуы бойынша «қызыл» аймақта.