Алматы облысында 22 жастағы полицей көз жұмды

Алматы облысында жол апатынан 22 жастағы полиция қызметкері мен басқа көлік жүргізушісі қаза тапты.

«7 ақпан күні кешке 37 жастағы Lada Priora жүргізушісі «Сарыбастау-Үлгілі» тас жолымен келе жатып, қарсы жолаққа шығып кетіп, 22 жастағы Үшқоңыр ауылының тұрғыны басқарған «Лада» көлігімен бетпе-бет соқтығысқан. Апат салдарынан екі жүргізуші де алған жарақаттарынан оқиға орнында көз жұмды» деп хабарлады ПД.

Тәртіп сақшылары бұл факті бойынша сараптамалар тағайындалғанын атап өтті.

«Лада» көлігінің 22 жастағы жүргізушісі Қарасай ауданына қарасты ОҚПБ учаскелік полиция инспекторы болған. Жазатайым оқиға кезінде ол кезекті еңбек демалысында болған» деп қосты департаменттегілер.