Алматы облысында 1,5 миллион теңге пара алған судья ұсталды

Алматы облысында 1,5 миллион теңге пара алған судья бес жылға бас бостандығынан айырылды, деп хабарлайды ҚР Сыбайлас жемқорлыққа қарсы іс-қимыл агенттігі.

«20 желтоқсанда Талдықорған қалалық сотының үкімімен Алматы облысының мамандандырылған ауданаралық экономикалық сотының судьясы Түменбаева алаяқтық жасағаны үшін 5 жылға бас бостандығынан айырылып, өмір бойына мемлекеттік қызметте жұмыс істеуге тыйым салынды» делінген хабарламада.

Антикор судьяның «Good Zhem» ЖШС басшысынан азаматтық іс бойынша оң шешім шығарғаны үшін 1,5 миллион теңге алғанын алға тартады.

ЖШС басшысы азамат Пактың өзі де пара беруге әрекеттенгені үшін төрт жылға бас бостандығынан айырылды.

Үкім әзірге заңды күшіне енген жоқ.