Алматы облысын су басты

Алматы облысы, Жібек жолы ауылын су басты, деп хабарлайды Orda.kz порталы.

Ауыл тұрғындарының сөзінше, 7 сәуір күні түнде бірнеше көшені қызыл су басқан. Ал Алматы облысы әкімдігі жер асты суының деңгейі көтерілген дейді.

«Жібек жолы кентінің Қарасу, Ақдала, Ақсу, Ақ Жазық, Көкқайнар, Бөгенбай батыр, Баласаз, Жиделі көшелерінде жерасты суларының жиналу деректері анықталды. Қазір әкімдік қызметкерлері арнайы техника арқылы суару арықтарын қазып, суды сору жұмыстарын жүргізіп жатыр. Бүгінде төрт шақырымнан аса арық қазылды» деп хабарлады облыс әкімдігі. 

Айта кетейік, Алматы облысында 30 наурыз күні Ворошилов су қоймасының бөгеті жарылған болатын.